Kobe Fusion Restaurant

又食放題的日子，最近只可以晏就食放題，就簡左一間可以由12點到6點既任食放題。

刺生盤

一黎就比左一大盤刺生，所有款式都有幾個，三文魚大大件啖啖肉，大蝦刺生好爽口，甜蝦好鮮甜，北寄貝都好爽口，樣樣都唔錯。

1

燒物

燒物款式都有好多種，燒牛舌，芝麻雞翼，雞軟骨等等，日式放題一定需要有既食物，食物質素都不過不失，燒牛舌都好易入口，芝麻雞翼都好香口，雞軟骨都好爽口。

炸物
有各款既天婦羅，炸蝦炸番薯等等，仲有炸榴連炸紫芋丸，全部都好香脆。

火鍋

一黎就會有三款既火鍋簡，今次試左韓式部隊鍋，配料係比較簡單既午餐肉，廚師腸等等，但湯料加埋芝士都好香濃，放題當然仲可以叫其他配料，仲可以加肥牛同其他配菜，配埋個芝士部隊鍋湯底，好滿足好開胃。

最後因為時間好充足，比起平時要食2個鐘既放題，可以食燒物炸物，之後仲可以慢慢食火鍋，係一個不錯既體驗，值得去試。