餐廳燈光佈置真係好有情調，加分不少，而且空間感十足，坐得超舒服。
我地今晚叫咗個「深海商務套餐」，十分豐富！
是日餐湯 2碗，今晚餐湯係三文魚南瓜湯，魚味十足。
什菜沙律 2人份，沙律菜十分新鮮爽口，再加埋酸汁同車厘茄，十分開胃。
新鮮靚生蠔 4隻，店員介紹由美國珍珠蠔開始食起，大大隻十分肥美，仲有些少海水嘅味道！日本生蠔係室津蠔，已經調好味道，入口即可品嚐。
迷你刺身拼艦，份量其實一啲都唔迷你，有象拔蚌、帶子、海蝦、三文魚，件件都新鮮肥美厚肉！
煎脆皮鵝肝1件，多士烘得香脆可口，配鵝肝真係奢侈嘅享受。
主菜係澳洲草飼羊架，食得出羊肉十分肥美，鮮嫩多汁，而且廚師功架了得，食落一啲都唔蘇，很滿足！
深海海鮮拉麵，其實已經食到好飽，就由拉麵作結。拉麵配料一樣十足，有大蝦、蟹柳等等。
我地額外仲叫咗一客牛油煎大蝦，十分惹味！
送無酒精飲品 2個
柚子蜜梳打
錫蘭檸檬茶
絕對推薦俾其他想靜靜地享受美食嘅你地。
