Vol.1 Cafe

​早排食過呢間餐廳覺得性價比高, 就約朋友再去，試下其他菜式。

🔸🔹🔸🔹🔸🔹🔸🔹🔸🔹🔸🔹🔸🔹

奶蓋伯爵茶｜⭐⭐⭐⭐⭐｜$46
好香伯爵茶味而唔澀，奶泡好細滑，撞埋一齊好好飲。

奶蓋伯爵茶

$46

牛油果醬🥑煙三文魚🐟墨西哥脆片｜⭐⭐⭐⭐｜$98
估計我地叫呢盤係最後一盤，我地食完第一 round 想再叫其他野食時，已經售罄。因為之前食過一次，覺得好大碟好抵食。點知今次整體份量少左不特止，d墨西哥脆片有一半都係碎濕濕。本來個味道同份量同外面對比都算正常嘅，但始終之前食過正常份量，俗語話︰無對比無傷害，所以要扣返少少分...

牛油果醬煙三文魚墨西哥脆片

$98

牛油果醬🥑煙三文魚🐟墨西哥脆片｜⭐⭐⭐⭐⭐｜$98
慢煮白松露雞胸好淋好滑! 完全唔似食緊雞胸! 牛油果同沙律菜好新鮮，份量好足!

牛油果🥑慢煮白松露雞胸沙律

$98

玫瑰醬🌹蝦球🍤QQ麵🍝｜⭐⭐⭐⭐⭐｜$158
本來見到個名無打算叫，但有d好奇咩係玫瑰醬，就上網 search 下，原來因為醬汁顏色似玫瑰色而命名。QQ麵口感有d似辛辣麵，玫瑰醬辣辣地🌶️，成件事真係好似食緊韓式芝士辛辣麵🍜，只係價錢貴左D。

1

玫瑰醬蝦球QQ麵

$158

意式香草🌿豬肉丸配羊奶🐑🥛芝士🧀汁｜⭐⭐⭐｜$58
豬肉丸本來已經偏咸，加埋羊奶芝士汁就過咸，但豬肉丸肉質幾彈牙，如果配蕃茄汁🍅應該會好d，又或者要調一下豬肉丸或醬汁嘅調味。

意式香草豬肉丸配羊奶芝士汁

$58

🔸🔹🔸🔹🔸🔹🔸🔹🔸🔹🔸🔹🔸🔹

整體感覺：食物味道中上，價錢公道，性價比高。座位舒適。餐廳用QR Code 落單，非常適合I人幫襯。