唐記包點 (Closed)

今日難得二人世界但係唔想出街同人迫，更加冇心情坐低拎起刀叉慢慢食西餐。最飽肚最方便嘅選擇梗係唐記包點! 😂 太懶。。 佢哋有新推出嘅有汁飯，不過今次賣晒咖喱牛筋牛腩飯。。連好好食嘅豬軟骨飯都遲來一步。咁我哋就回歸基本步，食個暖粒粒嘅蒸飯啦！我揀咗章魚肉餅飯，好大盒份量好多。兩個人，一盒飯加兩份點心就已經好足夠。章魚肉餅超級厚身，又唔會好鹹，同飲早茶食嘅蒸飯差唔多。佢啲飯比較乾身，好有咬口。至於點心，我選擇了金錢肚同埋山竹牛肉球。阿姐好細心，幫我分開放，仲放埋喼汁，超正。點心好好食，唐記啲點心唔會好重調味，唔會食完之後感覺好口渴。兩個點心+1個飯作為輕食晚餐實在100分👏🏼👏🏼👏🏼