大滿屋日本料理 (Closed)

今晚同朋友係apm睇完戲，就過左格離楝大廈搵食！由於好肚餓，見到有放題就衝左上去。去到七點半左右，門口已經排滿哂人，爆到口都出唔到人。拎左籌，係睇下門口睇下有咩食，傾陣計，十五分鐘度就有位。環境不錯，頗大的，空間感大，坐得幾舒服。一坐低就寫寫寫，鍋物，卷物，小食，刺身，炸物等等，都算好多款式。一見到呢個咁有誠意既刺身拼盆，即刻食指大動不過因為太靚，淨係影相同拍片都玩左陣哈哈。刺身都幾新鮮，最欣賞既係甜蝦。又鮮甜又彈牙，一d雪藏味都無，好新鮮；其實刺身都不錯。呢d細細碟既冷盆小食都好令人賞心悅目。左邊既係魚翅海蜇，拌住麻油味既海同仿魚翅，兩樣材料都係咁爽口，加起黎好有口，口感十足，幾特別而右邊既泰式生蝦顏色雖然唔多吸引，不過味道鮮甜爽口，同甜蝦刺身既質素有得比喔。放題既甜品呢度都算多喇，而且賣相仲咁靚添!! 竟然有馬卡龍食~~仲要好食喎！！仲有迷你泡芙，冬甩同小杯裝楊枝甘露，全部都好好吃！總括黎講呢度既食物都唔錯，全部都熱辣辣送上。出食物速度快，服務好又唔漏單，可以再食啊