滿漢小館

Open Now

Now Closed

18/4/2025 星期五，復活節假期的第一天，好多人北上或者外出旅行，我哋就留港消費！今日到九龍城，經過這小店，見到佢有特色甜品「驢打滾」，咁就要幫襯試吓啦！午餐時間，首先叫個「二選一套餐」，我哋揀咗：-上海回窩肉，－上枱，香噴噴，回窩肉微辣啱我，半肥瘦肉片薄身，烹調入味，好食。蔥油雞半隻，雞肉嫩滑，啖啖肉，蔥油惹味，食唔停口。油豆腐粉絲湯，好多餡料，份量足，粉絲湯不油膩，廚師好嘢👍🏻。套餐配以白飯及菜飯各一碗。飲品揀選了凍檸檬茶。最後，梗係要叫甜品啦！一客「驢打滾」。新鮮製造，熱辣辣，甜度適中，煙煙韌韌，好正呀😋店員細心招呼，見我哋食完午餐，好快清理枱上餐具，換以乾淨的細碗，給我哋食甜品用。體貼細心的服務，美味可口的食物，是留住客人的要素。 我哋在這食店享受了悠閑舒服的午餐😊。