Read full review
2019-10-03
3289 views
九龍區優雅戶外酒吧今日行開紅磡嗰邊諗住同朋友仔飲杯野，見到呢間都幾多好評就入去試吓，話晒係酒店吧應該都有返啲水準。一入到去裝修有驚喜，室內環境同吧頭都好靚仔，優雅得來尚算causal，同朋友仔去唔會太大壓力。出到室外更加不得了！一目了然飽覽270度維港景，淨係個景已經令到所有嘢值回票價！首先喺吧頭叫咗兩杯classic cocktail- mojito + old fashion，bar tender整得算好細心，唔似一般劈場咁求其做，店員亦都超級有禮貌，加上價錢合理，已經好爽。後尾出去睇下個Menu先發現，原來佢哋可以做custom made嘅gin& tonic - 可以自己揀配料同埋用邊隻基酒，順勢就整咗兩杯各自鍾意嘅口味。兩杯都用大冰來做，而且杯口夠薄，啲tonic嘅氣泡好出，正！望住個維港景飲下飲下又忍唔住再叫多咗杯，結果兩個人一人飲咗三杯，醉醺醺咁完成左今晚嘅嘗試。整體來講，佢有hotel service + product standard+ nice interior design，符合晒本人對一間正嘅酒吧嘅要求。好肯定會再帶朋友嚟試。九龍區優雅戶外酒吧
今日行開紅磡嗰邊諗住同朋友仔飲杯野，見到呢間都幾多好評就入去試吓，話晒係酒店吧應該都有返啲水準。
一入到去裝修有驚喜，室內環境同吧頭都好靚仔，優雅得來尚算causal，同朋友仔去唔會太大壓力。出到室外更加不得了！一目了然飽覽270度維港景，淨係個景已經令到所有嘢值回票價！
首先喺吧頭叫咗兩杯classic cocktail- mojito + old fashion，bar tender整得算好細心，唔似一般劈場咁求其做，店員亦都超級有禮貌，加上價錢合理，已經好爽。
後尾出去睇下個Menu先發現，原來佢哋可以做custom made嘅gin& tonic - 可以自己揀配料同埋用邊隻基酒，順勢就整咗兩杯各自鍾意嘅口味。兩杯都用大冰來做，而且杯口夠薄，啲tonic嘅氣泡好出，正！望住個維港景飲下飲下又忍唔住再叫多咗杯，結果兩個人一人飲咗三杯，醉醺醺咁完成左今晚嘅嘗試。
整體來講，佢有hotel service + product standard+ nice interior design，符合晒本人對一間正嘅酒吧嘅要求。好肯定會再帶朋友嚟試。九龍區優雅戶外酒吧
365 views
0 likes
0 comments
Post
