住喺將軍澳區得知原來坑口開咗間火鍋店
上個星期六日排隊排到不得了
放棄咗今個禮拜二特登過嚟試吓
鍋底價錢都幾平比起一般火鍋店都算公道
叫咗重慶正宗麻辣鍋 $118
一開始叫咗小辣 不過我比較食得辣
就稍嫌辣到有啲唔足夠
不過朋友呢就話辣到飛起
唔夠辣嘅話出邊有好多醬料
特別推介一個叫做魔鬼辣椒
同埋四川辣椒
用呢啲Jim粉即刻頓時加辣
叫咗個手切頂級牛小排 $188
呢個好抵食 牛小排重牛味
仲要切得厚度適中唔會太薄唔會太厚
仲要份量都幾多 另外擺盤都好有心機
用咗乾冰咁成個仙境
另外仲叫咗個滑牛肉片 $68
價錢好平咁當然質素就冇牛小排咁正
未試過咩係牛骨髓今日試吓
識落個口感都幾得意好似啫喱
味道就冇乜啦 不過擺落麻辣鍋吸左啲辣味都唔錯
另外叫咗個大魚頭$98
呢個魚頭不得了超級新鮮
仲要係真係成個魚頭
咁嘅價錢咁足料又新鮮
呢間火鍋店真係算係好公道
另外最估唔到嘅話原來呢度係有得食燒烤
我哋就係職員推介之下叫咗個巴蜀燒神仙豆腐
呢個豆腐我比100分
首先個豆腐非常之爽口係百葉豆腐嚟嘅
另外佢嘅燒烤醬料令到成個豆腐唔會單調冇咩仲充滿晒蒜蓉嘅味道
食咗一舊都唔夠喉
另外都叫咗個蒜蓉燒廣島號$68有四隻
又係好公道嘅價錢
好非常之新鮮冇一啲臭腥味
蒜蓉加埋少少牛油成件事好香
整體來講咁嘅價錢呢間火鍋店都可以再去試多一次
同埋喺將軍澳區來講算係一個唔錯嘅火鍋選擇
