因為聽人講話三哥果間好食d
不過我都好耐冇去過, 非三哥嘅譚仔就自然更加少食
呢晚細妹帶左我去食譚仔,
無論係裝修格局定餐牌選擇都同三哥好似, d阿姐嘅廣東話都係唔鹹唔淡,
不過冇左我食開嘅煳辣湯底.
細妹推介叫一碟麻辣豬耳大家share嚟食,
而我碗米線就揀左清湯底+生菜+豬膶 (少米線)
清湯底其實都好夠味, 面頭都好多配料
生菜份量幾多, 不過好多芯, 而其實我中意食葉多d...
豬膶都幾好, 唔會腥或者有怪味
少米線可以減一蚊, 但其實份量都唔少, 算係剛剛好
麻辣豬耳嘅豬耳軟滑爽脆, 加埋d麻辣口水醬汁同蔥一齊食好惹味
撈落碗米線食, 個湯底辣辣地, 都唔使再叫麻辣湯底 (如果你唔係食得好辣)
我地叫左兩杯清水, 不過d阿姐話雖然唔使收錢, 但order清水都要入落電腦,
結果等左好耐, d水先嚟到....
今次食譚仔, 發現原來佢同三哥嘅水準都差唔多
以後如果想食米線, 都唔使指明食三哥了~
