Read full review
2021-01-05
3485 views
對上一次係呢到食芝士火鍋已經係N年前啦！今次因為個女生日，佢話想食芝士，我地就決定再去食啦！原來呢間餐廳搬前左兩個鋪位，大左，座位鬆動左，因為我記得之前坐得好迫，唔係好舒服㗎!因為疫情，無左夜市，老闆就整左下午2:30-6:00係happy hour!全單有8折!所以我地就揀左呢段時間啦！法式洋蔥湯+酒：呢個湯喺第二啲餐廳飲唔到咁好味，有好多嘅洋蔥，入面有一塊法包&芝士，係我嘅最愛呀！每次都一定會叫!烘瑞士辣力芝士：烘過嘅芝士配新薯酸青瓜同小洋蔥，芝士味濃郁帶少少膩，加酸青瓜一齊食，食多啲都唔怕啦！炸牛仔肉排配瑞士薯餅 ：牛仔肉排唔會炸到乾晒，咬落去充滿肉汁，雖然係炸，但炸粉一啲都唔厚，令人想一食再食!薯餅雖然有少少散開左，但唔影響佢嘅美味，香脆可口!華卓林芝士火鍋跟法包：如果得我地兩公婆就會揀有酒嘅火鍋，因為酒可以減膩，但呀女都要食，只好揀呢款無酒嘅俾小朋友食。雖然無酒，但膩的感覺都唔係好重，芝士濃度啱啱好，浸麵包落去，成塊包都沾滿芝士，唔會好似出面大集團個間好稀，完全掛唔到落塊包到!好好食，最尾係芝士已經食晒仲有幾夠包剩，份量足夠!食完咁多芝士菜式，始終會有少少膩嘅感覺，一杯熱嘅黑
原來呢間餐廳搬前左兩個鋪位，大左，座位鬆動左，因為我記得之前坐得好迫，唔係好舒服㗎!
因為疫情，無左夜市，老闆就整左下午2:30-6:00係happy hour!全單有8折!所以我地就揀左呢段時間啦！
法式洋蔥湯+酒：呢個湯喺第二啲餐廳飲唔到咁好味，有好多嘅洋蔥，入面有一塊法包&芝士，係我嘅最愛呀！每次都一定會叫!
57 views
1 likes
0 comments
烘瑞士辣力芝士：烘過嘅芝士配新薯酸青瓜同小洋蔥，芝士味濃郁帶少少膩，加酸青瓜一齊食，食多啲都唔怕啦！
73 views
1 likes
0 comments
炸牛仔肉排配瑞士薯餅 ：牛仔肉排唔會炸到乾晒，咬落去充滿肉汁，雖然係炸，但炸粉一啲都唔厚，令人想一食再食!薯餅雖然有少少散開左，但唔影響佢嘅美味，香脆可口!
51 views
0 likes
0 comments
華卓林芝士火鍋跟法包：如果得我地兩公婆就會揀有酒嘅火鍋，因為酒可以減膩，但呀女都要食，只好揀呢款無酒嘅俾小朋友食。雖然無酒，但膩的感覺都唔係好重，芝士濃度啱啱好，浸麵包落去，成塊包都沾滿芝士，唔會好似出面大集團個間好稀，完全掛唔到落塊包到!好好食，最尾係芝士已經食晒仲有幾夠包剩，份量足夠!
47 views
0 likes
0 comments
食完咁多芝士菜式，始終會有少少膩嘅感覺，一杯熱嘅黑加侖子茶就幫到你啦！香濃嘅黑加侖子味帶少少甜，可以完全綜和返個膩，可以再食過!Perfect!
Post
