911
142
72
Level4
2021-03-19 2107 views
👩🏻‍🤝‍👩🏼好朋友就要成日見㗎啦!工作雖然各有各忙,但係都逼到啲時間出嚟食個飯嘅!📌正苦開返晚市,熊妹呢個coffee shop之友-𡃁妹就決定去《Ocio》食返個西式晚餐感受下久違了嘅晚餐氣氛。✨📌餐廳環境就唔算好大,左右兩排四人枱,中間就係通道走廊,柔和燈光營造浪漫晚餐嘅氣氛。💞📌晚餐套餐都幾抵食,包是日餐湯、一款主食同埋咖啡或茶,價錢都係$98至$168再加一,全套晚餐套餐都算係咁啦。📌咖啡店飲品就梗係有沖調咖啡啦,仲有啲特色飲品🍸、沙冰🍹、梳打🥤等等,不過就要額外加$15。是日餐湯今日嘅餐湯係蕃茄濃湯,超級重蕃茄味🍅,食到淡淡蕃茄肉,暖暖地好開胃。Ocio 特選全日早餐,$98📌有𡃁妹嘅地方就即係有全日早餐嘅地方,諗都唔使諗。全日早餐真係包羅萬有,炒蛋、蕃茄、雞扒、煙三文魚、薯條、沙律菜、腸仔、茄汁豆、窩夫,樣樣齊,份量都多,咁嘅價錢都幾抵食喎。炒蛋🥚又蛋味,但唔算太香,中間都算滑,側邊就有啲實;蕃茄🍅表面有煎過,煎熱咗蕃茄汁咇出來;雞扒🐥好大一塊,雞肉好嫩滑,雞皮煎得好香;煙三文魚🐠味道正常,唔算太口一塊;薯條🍟粗身的,啖啖薯仔肉,點茄汁最一流;沙律菜🥗都幾新鮮,撈上少少沙
Read full review
👩🏻‍🤝‍👩🏼好朋友就要成日見㗎啦!工作雖然各有各忙,但係都逼到啲時間出嚟食個飯嘅!

54 views
0 likes
0 comments
📌正苦開返晚市,熊妹呢個coffee shop之友-𡃁妹就決定去《Ocio》食返個西式晚餐感受下久違了嘅晚餐氣氛。✨
38 views
0 likes
0 comments
📌餐廳環境就唔算好大,左右兩排四人枱,中間就係通道走廊,柔和燈光營造浪漫晚餐嘅氣氛。💞
161 views
0 likes
0 comments
📌晚餐套餐都幾抵食,包是日餐湯、一款主食同埋咖啡或茶,價錢都係$98至$168再加一,全套晚餐套餐都算係咁啦。

101 views
0 likes
0 comments
95 views
0 likes
0 comments
📌咖啡店飲品就梗係有沖調咖啡啦,仲有啲特色飲品🍸、沙冰🍹、梳打🥤等等,不過就要額外加$15。

是日餐湯
10 views
0 likes
0 comments
是日餐湯
今日嘅餐湯係蕃茄濃湯,超級重蕃茄味🍅,食到淡淡蕃茄肉,暖暖地好開胃。

Ocio 特選全日早餐
$98
9 views
0 likes
0 comments
Ocio 特選全日早餐,$98
📌有𡃁妹嘅地方就即係有全日早餐嘅地方,諗都唔使諗。

全日早餐真係包羅萬有,炒蛋、蕃茄、雞扒、煙三文魚、薯條、沙律菜、腸仔、茄汁豆、窩夫,樣樣齊,份量都多,咁嘅價錢都幾抵食喎。

炒蛋🥚又蛋味,但唔算太香,中間都算滑,側邊就有啲實;蕃茄🍅表面有煎過,煎熱咗蕃茄汁咇出來;雞扒🐥好大一塊,雞肉好嫩滑,雞皮煎得好香;煙三文魚🐠味道正常,唔算太口一塊;薯條🍟粗身的,啖啖薯仔肉,點茄汁最一流;沙律菜🥗都幾新鮮,撈上少少沙律汁;腸仔🐷有兩條,咬落去無肉渣;茄汁豆🥫一細杯,就咁食都好好味;仲有好嘈嘅招牌窩夫🧇,放涼左表皮未算好脆,不過咬落去都幾淋身,重牛油味。

📌其實熊妹成日諗,咁大碟食物有乜可能一個女仔會食得晒?但𡃁妹又真係會食得晒。

美式BBQ醬烤原條豬肋骨配薯條
$148
22 views
0 likes
0 comments
美式BBQ醬烤原條豬肋骨配薯條,$148
📌熊妹好耐未食過豬肋骨,呢個價錢都好似幾抵食喎!

美式BBQ醬烤原條豬肋骨配薯條
47 views
0 likes
0 comments
一條豬肋骨🍖好長,起碼都知道切到有8至10件,不過就唔算好闊身。

豬肋骨嘅做法本身就係用水煲熟,再喺面頭搽啲BBQ醬烤焗佢。如果噀骨🦴可以噀到骨嘅精髓,不過焗得耐左啲,表面就乾身左啲,醬汁都未算好濃,肉質都未算係太淋,熊妹認為可以整得再好味啲嘅。

肋骨下面就鋪滿一堆粗薯條🍟,實食得飽啦。

9 views
0 likes
0 comments
📌成個晚餐套餐都好味又抵食,如果預早喺OpenRice網上面訂仲有八折優惠💰,真係抵到冇得再抵,熊妹絕對係會再嚟encore嘅。
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2021-03-11
Dining Method
Dine In
Spending Per Head
$111 (Dinner)
Recommended Dishes
是日餐湯
Ocio 特選全日早餐
$ 98