備長

Open Now

Now Closed

環境4分：樓上日式居酒屋格局，成層地方都算幾大，有齊散座同吧位，夠光夠casual，氣氛唔錯，可以畀四分。衛生5分：地方好乾淨，枱面有個竹桶放串燒D竹籤，衛生可以畀五分。服務5分：服務員都好後生下，快手又快腳，主動介紹餐廳十一週年，限定清酒同啤酒有買一送一，真係抵到爛，串燒又畀續串叫，畀佢滿分。味道5分：1)      麒麟生啤買一送一，先加佢兩分！2)      每兩個人就會有一碟嘅前菜條，有椰菜，青瓜條同紅蘿蔔條，樣樣新鮮爽口，中和串燒嘅熱氣。3)      牛舌厚切串燒非常之爽口，彈牙，同埋嘢味，可以叫多幾串食。4)      豬頸肉串燒都係好爽口，肥瘦均勻夠多汁，真係好好食。5)      串燒雞皮好似食緊薯片咁，好香脆，唔油膩。6)      串燒雞軟骨卜卜脆。7)      冬菇串燒好香口。8)      條串燒雞骨腸又鬆又爽又脆。抵食5分：樣樣嘢上枱都係熱辣辣即叫即燒，優惠期間麒麟生啤買一送一，冇得唔畀滿分。