第一次黎到串里
見到個其他食客叫左個脹卜卜紙包雞🐔🐔
咁我地都叫左半隻原味紙包鮑魚雞試下
用錫紙包住嘅紙包雞喺加熱後會慢慢吹漲😮😮
店員見到錫紙包脹到咁上下會幫手𠝹開個錫紙比我地食
份量都相當充足
除左鮑魚同雞之外配料仲有萵荀、蓮藕、木耳、芽菜等等
雞嘅口感好滑
鮑魚都好彈牙
可以打卡之餘味道都唔錯😍😍
另外都可以加火鍋料落去個錫紙包度一齊食
我地就加左鱸魚片
魚片冇骨又好滑好新鮮
另外都見到邪惡串里秘製雞皮個名同個樣都好吸引所以就叫左一個黎試下
一上菜見到煙霧效果已經忍唔住又要打返張卡先😂😂
佢地嘅雞皮有別於認知上嘅串燒雞皮
串里秘製雞皮大大塊之餘又炸得好脆
落d檸檬汁落去個雞皮度加埋皮下面嘅油香一啖咁食落口食得好有層次🤪🤪
除左檸檬汁之外我仲試左落枱面嘅孜然粉同辣椒粉去調味
兩種味道都同個雞皮好夾
店舖招牌嘅秘製雞皮果然名不虛傳👍🏻👍🏻
另外都仲有叫到燒茄子同牛油蒜泥娃娃菜
茄子落左少少辣粉雖然有少少辣🥵🥵
但夾埋蒜泥咁味食得非常惹味
另外牛油蒜泥娃娃菜都好好味
包住鍚紙連埋牛油蒜泥一齊燒燒得好夠淋
令到啲娃娃菜好入味
好快好快就食晒啲娃娃菜啦😂😂
串燒的話就叫左汁燒墨魚咀同鹽燒牛舌芯
燒墨魚咀燒得岩岩好
食落好彈牙唔會太硬
牛舌就本身應該燒得好夠味好夠熱
加埋枱面上嘅孜然粉同辣粉食串燒更加提升串燒嘅層次
店舖比較細間
但裝修得好有特色
座位寬敞又食得舒服
好適合放左工過黎食住串燒chill下🥰🥰
