好燒式串燒專門店 (大南街)

Open Now

Now Closed

上星期去打邊爐經過，已經好想試，估唔到咁快就搵到腳陪我食串燒。一入去就有滿臉笑容既店員姐姐迎接我地，感覺非常良好。串燒店黎講算好大間，店內光猛簡潔，估唔到平日9點幾都仲咁多人。原來串燒都可以有咁多選擇，揀食物都諗左十分鐘...好彩店員好好，絕對冇催促落單，仲好細心推介食物俾我。啤酒價錢好合理，啱晒送串燒。可以按自己口味調味。原條蒜蓉燒茄子，勁大條，茄子肉又夠厚，夾起一絲絲入口，好好味。鴨舌、雞軟骨、雞肉串、豬頸肉同埋雞翼尖。鴨舌好肥美，啖啖肉。雞軟骨燒到雞肉有肉汁，軟骨又夠爽夠脆。雞翼尖先犀利，原來可以皮脆內軟，唔會燒到成隻乾巴巴。鹽燒秋刀魚，日本餐廳既水準，加埋鮮檸檬汁，唔洗5分鐘成條食晒喇。燒日本雞泡魚乾，一大片好似魷魚絲咁，甜甜地，點埋沙律醬，個鮮味仲出，送酒一流。