cafe TOO

190
83
44
Level4
682
1
2017-02-04 27660 views
大年初五又出動覓食,今次超好彩訂到港島香格里拉買一送一優惠,本應在十日前開始在酒店網頁預訂,但始終唔夠其他人拑得快,但好彩就係我响初四無聊上網睇下又有得訂喎,唔理三七廿一訂咗先,跟住再打比媽叫佢陪我去試 九龍區果間 dinner就食過兩次,港島呢間今次試 lunch,一入去見到好多美食就流晒口水,海鮮刺身點心燒味沙律印度菜甜品等等,全部一覽無遺,再加上我空肚食自助餐,即時食指大動,侍應安排好座位後,即刻 action去拎嘢食...海鮮有5款~蟹腳/青口/凍蝦/大頭蝦/麵包蟹,最好味係有海水味既蟹腳,鮮味得嚟又唔會過咸,兼且容易去殼,第二輪encore咗成碟,其次係青口同凍蝦,同樣鮮味十足,大頭蝦不試也罷,因為完全無蝦味。刺身有4款~款款賣相都非常吸引,有三文魚/吞拿魚/八爪魚/北寄貝,4款都試晒,最鍾意吞拿魚,真係食得出係好嘢同新鮮,另外三文魚都相當肥美,其餘兩款都不俗,刺身檔係必試必試!點心有6-7款~大部份都無試,因為點心好易k.o.我,所以只係試咗一個灌湯包,一籠一大個,師傅即包即蒸,屬搶手貨,但一咬落口我就面容扭曲,原來係我唔鍾意既人蔘,oh no!不過人蔘味獨特,不妨一試!燒
Read full review
大年初五又出動覓食,今次超好彩訂到港島香格里拉買一送一優惠,本應在十日前開始在酒店網頁預訂,但始終唔夠其他人拑得快,但好彩就係我响初四無聊上網睇下又有得訂喎,唔理三七廿一訂咗先,跟住再打比媽叫佢陪我去試
九龍區果間 dinner就食過兩次,港島呢間今次試 lunch,一入去見到好多美食就流晒口水,海鮮刺身點心燒味沙律印度菜甜品等等,全部一覽無遺,再加上我空肚食自助餐,即時食指大動
侍應安排好座位後,即刻 action去拎嘢食...

海鮮有5款~蟹腳/青口/凍蝦/大頭蝦/麵包蟹,最好味係有海水味既蟹腳,鮮味得嚟又唔會過咸,兼且容易去殼,第二輪encore咗成碟,其次係青口同凍蝦,同樣鮮味十足,大頭蝦不試也罷,因為完全無蝦味。
海鮮
146 views
0 likes
0 comments
刺身有4款~款款賣相都非常吸引,有三文魚/吞拿魚/八爪魚/北寄貝,4款都試晒,最鍾意吞拿魚,真係食得出係好嘢同新鮮,另外三文魚都相當肥美,其餘兩款都不俗,刺身檔係必試必試!
刺身
148 views
0 likes
0 comments
點心有6-7款~大部份都無試,因為點心好易k.o.我,所以只係試咗一個灌湯包,一籠一大個,師傅即包即蒸,屬搶手貨,但一咬落口我就面容扭曲,原來係我唔鍾意既人蔘,oh no!不過人蔘味獨特,不妨一試!
人蔘灌湯包
146 views
0 likes
0 comments
燒牛肉~我極力推介
,係我食咁多自助餐中最正既,表層最正有炭燻味,而肉質嫩中帶淋,又唔會太乾,再點少少英式芥末,真係食到讚不絶口!
燒牛肉
144 views
0 likes
0 comments
同場響鐘派發~准山杞子燉烏雞湯,每人排隊可以拎4盅,清甜足料無加味精,我自私飲咗兩盅。
准山杞子燉烏雞
157 views
0 likes
0 comments
天婦羅有4款~蓮藕/蝦/秋葵/油椎魚,最讚係個炸漿,又香又薄又脆。油椎魚配上天婦羅汁,咬落去熱辣辣兼啖啖肉,我覺得最正,其次係蝦,又新鮮又彈牙,所以一出就比人夾晒,其餘兩款都好味,點綠茶鹽又係另一番味道。
天婦羅
131 views
0 likes
0 comments
甜品方面
~有蛋糕類/有啫喱類/有雪糕類/pancake/梳乎厘,我始終係眼闊肚窄,怕食唔晒,只可以揀d靚兼啱自己口味既,其中推介係橙色杯斑蘭布甸-好香斑蘭同creamy/士多啤梨芝士撻-賣點係底層既濃郁芝士撻/夏威夷果仁雪糕-非一般果仁,好大粒有咬口/綠茶雪糕-綠茶味重過茶味,其餘甜品都ok,所以大家記住留肚食甜品
甜品
203 views
0 likes
0 comments
後記:
值得一讚係服務,所有職員都好有禮貌,唔該/唔駛客氣/唔好意思聽足全餐,其他五星級酒店都未必有呢種服務!

另外,我同媽咪企响度等蟹腳出,刺身部職員見我哋等咗1-2分鐘,主動問我哋係咪等蟹腳,跟住話轉頭拎比我哋,好貼心!

仲有當日陽光猛烈,職員驚曬到我哋呢d近窗口位既人,主動問要唔要落簾,超細心!

下次有機會都會再嚟,服務食物水準價錢成正比。
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2017-02-01
Dining Method
Dine In
Spending Per Head
$214 (Lunch)
Dining Offer
Credit Card Offers
Recommended Dishes
海鮮
刺身
燒牛肉
准山杞子燉烏雞
天婦羅
甜品
  • 蟹腳