6
今日放工同朋友來到哩間上環的中菜小酒館摸吓酒杯底餐廳最近做緊點心套餐
一路食點心，一路飲Cocktail
個感覺都幾新奇㗎
Cocktail方面，我叫左Suzie Wong
外型同埋味道似係改良咗嘅Pink Lady
非常容易入口，酒精度亦唔高
最適合平日放工小酌一下
食物方面，打頭陣嘅係點心拼盤
入面有蝦餃、燒賣、牛肉餃、粉果、叉燒包、奶皇包
全部都係好傳統嘅中式點心
其中奶皇包係我嘅最愛，一撕開真係有流心㗎
第二道菜係香酥鴨配薄餅
知道菜好似片皮鴨，不過入邊包嘅就係手撕鴨
比一般片皮鴨冇咁油膩，好味之餘完全冇罪惡感
主菜方面，我哋揀咗梅菜牛肉蒸飯
蒸飯係用陶瓷盅奉上，都幾靚㗎
另一個主菜就係咕嚕肉蛋飯
個炒飯係黃金炒飯，炒得粒粒分明，非常好味
