食物選擇上有散叫嘅壽司、丼飯、各款壽司拼盤等。
我就揀咗期間限定嘅特選二人餐$680，包含咗蕃茄沙律、麵豉湯、三款刺身、12件壽司及迷你蔥吞拿魚腩丼+迷你饅魚飯。
麵豉湯帶有海鮮嘅香味～鹹香十足！
蕃茄沙律酸酸甜甜，好開胃。
三款刺身都好新鮮肥美，其中鮑魚醃得好入味，有少少酒香。
12件共六款嘅壽司，其中最鍾意拖羅同埋海膽，海膽入口即溶冇腥味夠晒新鮮，拖羅油香十足～
已經食到七成飽，最後仲來兩碗丼飯，鰻魚無骨唔會腥，又夠多汁。迷你蔥吞拿魚腩丼入面嘅吞拿魚蓉份量超多，鮮甜肥美，加埋醬油撈飯食一流呀！
