1. 慢煮松露雞卷
有大量松露放咗喺雞肉卷上面，雞卷係用咗雞髀肉製成，雞肉好嫩滑有肉汁，而且用保持到彈性，配上松露真係好好味。
🌟評分8.5/10
2.稀有部位三串
有雞皮、雞腎，同埋雞腳筋；雞皮燒到卜卜脆，吹到好似食緊薯片咁，雞腎燒到仲保持到爽口，仲要唔韌，外爽內嫩，雞腳筋口感爽得嚟好煙靭。
🌟評分8/10
3. 燒野菜
銀杏燒到好軟身，有少少煙靭，用咗少少鹽調味，有少少似烤薯仔；秋葵仲保持到稔滑。
🌟 評分7/10
4. 慢煮三黃雞白湯
慢煮三黄雞湯呈金黃色，香氣濃郁撲鼻。湯頭醇厚甘甜，香濃，口感滑溜，啖啖膠質豐盈雞汁。
🌟評分8.5/10
5. 雞主食
親子丼做主食，非常出色，半熟滑蛋煮得非常嫩滑，撈埋特製醬油好正，而且啲雞肉都做到好嫩滑，一啲都唔會鞋，非常足料。
🌟評分8.5/10
6. 鳥の嚴選部位3本
大蔥雞肉串：大蔥味道清香，可以中和燒物既油膩，雞肉心依然嫩滑香口。燒雞翼：肥美飽滿脹卜卜咁，表皮微脆有油香同彈性，入面肉質嫩滑。
🌟 評分8/10
7. 廚師長特製
特製烤鴨肝，鴨肝非常之大嚿同鵝肝差唔多大細，燒到表面焦香，入面仲係油脂豐富，非常嫩滑，好香鴨既甘香味，配埋佢送嘅水果去中和油膩感。
🌟評分8.5/10
8. 甜品
係豆腐雪糕配抹茶芝士蛋糕，作為一個結尾連甜品都冇令人失望，豆腐雪糕好嫩滑，同埋真係食到淡淡嘅豆香味，你抹茶芝士蛋糕做咗滑身，食到淡淡嘅抹茶味，同時又唔會太甜。
🌟 評分7.5/10
9. 雞湯鳥冬 $98
雞湯係用返慢煮三黃雞白湯，所以個湯底已經係冇得輸，配埋個烏冬簡直係絕配，烏冬吸滿晒湯汁，烏冬非常之滑溜。
🌟評分8/10
🎖️整體評分🎖️
❤️味道：8.510
🧡環境：8.5/10
💛服務：8.5/10
💙性價比：7.5/10
📍 鳥駅 (中環)
中環嘉咸街53A號嘉利大廈地下F及H號舖
