十二點三左右，店內仲有大把位，坐低之後就開始苦惱揀咩餸。多數食車仔麵我都一定會試冬菇同雞翼/翼尖嘅，今次我就叫咗冬菇、瑞士雞翼同咖哩魚蛋，沙嗲汁撈米線小辣。（呢到有得揀湯麵/撈麵
)
跟住到飲品，諗住都係檸茶檸水/咖啡奶茶果d，點知佢仲有一堆特飲，跟餐只係加3蚊
！所以我就叫咗個凍嘅薄荷朱古力。
呢到嘅冬菇好淋好入味，咖哩魚蛋好夠辣
，而瑞士雞翼味道就ok不過不失。沙嗲汁撈米線好香好惹味，米線比較軟身易入口。
我仲試堆埋朋友d餸，魚蛋角同包心魚片頭同好好食。
3餸麵加埋特飲都係$39，以中環嚟講都幾抵，不過一到1點就好快要走，因為開始多人等位lu。
