環境氛圍好舒適，有啲摩登又唔失傳統元素，燈光暖暖地，非常適合同朋友聚餐或者約會。聽聞廚師Kumar當年喺巴基斯坦 Pearl Continental 做野向Zainab阿姨學識左秘密配方，對巴基斯坦風味與香料烹調技術深受啟發。
馬拉炒蜆辣味帶啲孜然香，入口好惹味但唔會太刺激，完全係開胃頭盤之選。
炭火免治羊肉串，羊肉冇膻味，炭燒香味十足，外層微脆，配埋啲酸酸甜甜嘅醬汁，簡直一流。
奶油咖喱大蝦真係值得一讚，咖喱汁好濃郁又滑，奶油味同香料平衡得好好，仲帶啲微辣，大蝦彈牙又入味。配埋松露芝士饢餅，真係完美組合，嗰陣松露香味夾埋咖喱，食到停唔到口！
Mango Lassi甜度岩岩好，仲有少少酸味，飲落好爽口又解辣。
甜品揀咗Anjeer Phirni，呢個係用無花果同米煮成嘅布甸，口感滑溜，甜味唔膩，仲有啲果仁碎。上面仲有一球濃郁嘅Vanila雪糕，為餐飯畫上完美句號。
