The Master Of Char Siu

鰻魚叉燒飯

$82

鰻魚份量好跨張，有整整一大條😱，見師傅用左傳統的鰻魚甜豉油黎燒，味道甜甜地，而且肉質好肥美，所以每一啖都食到鰻魚個油脂☺。叉燒方面，見面頭好似掃左層簿油咁，閃令令，肥瘦比例大概二八比，所以食落個咬口鬆化得黎，又唔會太肥。大食既B先生表示呢兩個餸都好岩送飯，如果可以有得添飯就正啦🤤。
.

特濃蕃茄湯通粉

$29

見到有新鮮蕃茄肉係湯入面，所以飲落真係幾開胃。另外，湯入面既香草令到成個湯既味道唔會過份單調，配埋通粉食真係唔錯😋。不過，香草味略嫌比蕃茄味重，如果後者的味道可以更濃郁，一定會更加好味😋。
.

煉奶西多士

$22

店員送上黎個時仲係熱辣辣，應該係即叫即炸🤤。多士炸得幾金黃，唔會話太多油，面頭既煉奶和入面的花生醬亦唔會過多，所以食落去個時唔會太大罪惡感🙈。
.
+8紅豆好立克
平時紅豆冰既奶底轉左做好立克，感覺好新鮮🤣。紅豆份量都夠多，飲落啖啖都有，整體黎講係一個幾特別既飲品。
.
+$8 脆爆華田
華田面上放左平時早餐個種脆脆米，所以飲落多左種脆口。不過，華田的味道可以更濃的話，相信會更加好飲。