濃厚豚骨魚介沾麵 ＄78
銅鑼灣除左一蘭外，呢間三田既受歡迎程度亦數一數二。閒日一點半黎到，可能過左上班族既Lunch時間，人龍唔算好長，得六、七個人排隊。排左大約十五分鐘就入得。
沾麵有得揀辣同唔辣，我想試真D個湯底個味，所以揀左唔辣。麵既份量都有小、中、大、加大揀，因為加大要加錢，所以我揀左大。沾麵既精神在於“冷麵熱食”，因為冷既麵較有口感，而且掛湯能力唔錯。我最愛既溏心蛋蛋黃香甜，竹筍夠凍，有種清新既感覺。叉燒厚度適中，食落有口感。最後要講既就係個湯，湯汁濃厚，完全感受到當中既歷練。食完咁濃既野難免會口乾，記住跟餐番杯可爾必思解下渴。
