去到以為自己早到，得一枱客到左。
見openrice有優惠券咪試下囉⋯⋯
去到第一件事梗係拎生蠔先啦！唔係即開，冇冰座住都算，仲要係微暖
食左三隻都冇再食，冷盤不外乎蝦，螺，長腳蟹，青口啦，普通囉，冇乜鮮味。
刺身方面，有三文魚，象拔蚌，鯛魚，希靈魚等...但最最最離譜嘅係，魚生居然係暖。我走果時仲見到佢個櫃因爲唔夠凍滴緊水。
呢排做主題係黑松露。仲有每人半隻焗龍蝦送
龍蝦味道都還可以。而所謂的黑松露主題，當中都真係有唔少食物都加左黑松露，但味道相當淡，唔係黑松露味淡喎，係啲食物本身冇乜味道，真係唔好講咩黑松露味......
冷盤熱盤都比較差，但甜品相對較為正常。有個蛋白撻都幾好味，梳乎厘就居然有黑松露味，較為特別都有少少奇怪。
最後食左個燉蛋白。份量少，但淺嘗就算。
另外一提，可能冇乜客嘅關係，啲員工都相當hea。
以咁嘅價錢，我真心覺得，放題好過佢。
