TERA (寶發大廈)

Open Now

Now Closed

本以為餐廳主打梳乎厘Pancake🥞一開始都未留意其他甜品，點知竟然係度遇上人生食過最好食嘅瑪德蓮🥹鹹點都好好味！隨意入咗一間高質小店，非常幸福☺️柚子瑪德蓮蛋糕 $78————————————餐牌寫住每日限量供應，趁夏天想食返件酸甜嘅柚子味馬德蓮蛋糕，製作需時，等待嘅過程充滿期待！上甜品時，非常驚訝每一個馬德蓮蛋糕都好大嚿，好抵食，香氣撲鼻嘅蛋糕新鮮出爐！更驚訝嘅係！超高水準嘅馬德蓮簡直超出我哋嘅expectation🥹外層超鬆脆，摸上手熱辣辣，充滿蛋香加少少焦香嘅感覺，入面超級鬆軟，而且感受到甜甜嘅柚子果香，簡直回味無窮😍豪華全日早餐 $128————————————超豐富嘅全日早餐！有大啡菇、煎肉腸、煙燻三文魚、牛油果、乳酪、沙律菜、黑松露炒蛋超滑，黑松露好濃郁！窩夫外層鬆脆，切開內裡夠鬆軟🧇帆立貝明太子蟹肉扁意粉 $128————————————超creamy嘅扁意粉，明太子帶少少鹹香，同蟹籽蟹肉帆立貝好夾，帶出鮮味。山茶花桂花椰子冰 $40————————————餐牌上大部份嘅食品都伴隨正價飲品可享減$12優惠，夏日炎炎可以用優惠嘅價錢飲杯清爽嘅椰子冰，非常消暑。