Slowlife 漫活堂

喺佐敦行吓行吓，見到逸東酒店地下有間Cafe，下午茶有甜點選擇。圖片海報相當吸引，所以就行咗入去嘆翻個Tea Time～

原本下午茶只有甜食，當日巴斯克芝士蛋糕(二人份)已售罄，Pancake同蘋果批又唔係好啱我食⋯⋯最後就揀左All Day Menu嘅蟹肉南瓜意粉同招牌海南雞飯，嗌咗一杯凍朱古力同凍抹茶牛奶。

一上菜，不得不題佢嘅擺盆餐具都幾吸睛！兩杯嘢飲都唔錯，走塑無飲管㗎～抹茶牛奶十分香濃，係細杯咗少少⋯⋯凍朱古力就冇乜特別～

凍抹茶牛奶

凍朱古力

嚟到咖啡室必備嘅西式主菜：蟹肉南瓜意粉
蟹肉份量還好，都夠蟹味，偏鹹。南瓜忌廉汁冇乜南瓜味，唔算香，但意粉質感唔錯，偏粗身。整體來講都幾好食

咖啡室必備嘅西式主菜：蟹肉南瓜意粉 蟹肉份量還好，都夠蟹味，偏鹹。南瓜忌廉汁冇乜南瓜味，唔算香，但意粉質感唔錯，偏粗身。

而招牌海南雞飯：擺盆好靚，但份量真係好細！！！海南雞OK，飯味超香濃，好好食！雞湯冇落味精，飲落都覺得幾健康。整體評價還好吧，價錢唔抵。

招牌海南雞飯：擺盆好靚，但份量真係好細！！！海南雞OK，飯味超香濃，好好食！雞湯冇落味精，飲落都覺得幾健康。整體評價還好吧，價錢唔抵。