意樂餐廳 (禾輋廣場) (Closed)

約左女友起沙田睇戲，不想去新城市食，想起附近禾輋商場呢間餐廳，泊車方便，而且價錢相宜，去到都要等位但5分鐘就有枱了，本人最愛食白汁呑拿魚肉醬意粉，女友叫咗凡立貝龍蝦湯焗珍珠飯再加$9加配兩隻水牛城雞亦，咖啡和意式雜菜湯。上菜速度亦快，湯先上，確實㷛得幾好，味濃，料算足，甜酸味平衡幾好，白汁呑拿魚肉醬義粉，芝士味濃，肉醬略嫌爭小小，如果多些更佳，但真的食不出吞拿魚味，但都好好食。水牛城雞亦亦相當出色，味道好，少少辣，皮脆肉嫩，$9可說非常值，凡立貝海鮮龍蝦湯焗飯亦非常好食，料足，味道濃，只是份量少了些。雖然D嘢好好食，不過侍應服務確實差了些，只顧傾計，取票後叫我們入去坐，但入到去完全冇人帶位，冇人理會我地。但咁嘅價錢，都值得食。