Sun To Yuen Restaurant

今日去完拜山，就去左流浮山食海鮮。我地就揀左瀨尿蝦、鮑魚、奄仔蟹和蘇鼠斑呢幾樣海鮮。另外再叫左兩樣小菜 - 生炒排骨和蒜蓉炒菜心。野食方面就一般般啦，不過員工服務態度就好好，好有禮貌對待客人。當客人碟上都放滿了蟹殼、蝦殼，員工會主動替客人換碟，而且環境方面都較乾淨，令人都有舒適既感覺。

椒鹽瀨尿蝦就十分彈牙，椒鹽味道剛剛合到好處，而且唔會過咸，亦唔會太辣。

鹽焗奄仔蟹方面鹽焗味道夠甘香，蟹肉夠新鮮又鮮甜。

果皮蒸鮑魚就一般般啦，唔夠軟腍，而且味道唔夠濃郁。

清蒸蘇鼠斑就不過不失，可能魚比較大，有一斤以上，肉質就唔夠嫩滑，不過由於蘇鼠斑係深海魚，所以魚味都比較濃郁。

生炒排骨方面，糖醋過酸，而且排骨又大又肥膩，唔太適合怕酸既人食。

蒜蓉炒菜心方面，菜心就比較老，對於老人家就比較難咀嚼。