餐廳環境寬敞, 坐得舒服。
【開心果帶子意粉】HK$148
意粉creamy很有鮮香味, 加上了開心果碎, 啖啖有層次又富有果仁香氣, 帶子表面煎得金黃同時保留刺身口感, 味道鮮甜, 整個意粉既有特色又驚喜。
【蝦哈哈甘筍汁意大利飯】HK$128
清甜甘筍汁平均包住了每粒意大利飯, 啖啖creamy, 蝦雖算不上鮮甜, 但口感爽彈。
【開心果咖啡】HK$68
咖啡中加入了開心果醬, 從面層厚而幼滑奶蓋先入口, 口感綿滑, 濃郁奶蓋同埋開心果香中滲透著咖啡香, 味道有層次。
【豆花咖啡】HK$52
自行將熱咖啡加入豆奶豆花中, 攪拌後滑滑豆花漸漸溶化, 入口香濃順滑, 咖啡味濃郁易入口。
梳乎厘係呢度嘅主打招牌必食嘅甜品, 再加上見到新推出限定口味, 絕對不能錯過ORDER!
【春日香橙焦糖雞蛋梳乎厘】HK$160
梳乎厘散為陣陣雞香, 口感軟綿, 有蛋甜味; 配上以香橙打成嘅甜酸幼滑忌廉, 輕盈富有果香, 清新美味。另外伴有嘅橙皮中放了焦糖燉蛋, 焦糖蛋甜, 一個價錢享受兩款甜品, 非常滿足。
