段純貞牛肉麵 (Tower 535) (Closed)

放工後, 老公突然出現在銅鑼灣, 可以一齊食埋晚飯先返屋企。佢話想食湯麵(都估到佢), 揀左呢間前排經過見有好多人排隊既段純貞牛肉麵, 下午五點半前到達, 得我地一組客人。我地被安排坐在四人卡位, 所以坐得舒適, 餐廳也乾淨企理。我地點左三寶手工麵, 麻辣蒜味腱心牛肉手工麵同愛玉蜂蜜🍯西檸特飲。三寶手工麵 - 食量大既人建議選擇手工麵, 段純貞既手工麵好大塊亦厚身, 絕對夠飽肚, 雖然我細食, 不過我都偏好手工麵, 鐘意佢比較有咬口同煙韌。湯底方面, 個人覺得不夠濃郁有層次, 有種好似少左唔知邊種味道咁, 不過值得一讚係個湯入落舒服, 有輕微藥材味道, 感覺無添加什麼人工化學材料。餸方面最好味是牛肚, 肉質入味軟腍。牛腱心都炆得腍不過就無味。牛筋就炆得唔夠耐時間⏲。麻辣蒜味腱心牛肉手工麵 - 好辣🥵, 真係要食得辣先好叫。個人覺得三寶麵湯底好味過呢個麻辣蒜味湯底, 只感覺到一陣強烈既麻辣味道。愛玉蜂蜜西檸特飲 - 偏酸同溝得太多水, 味道唔夠。對段純貞牛肉麵的評價是本身佢地個湯底配方是好味的, 但為左減低成本而溝左好多水🚰落個湯底到。