Yakichi

看了Open Rice一些好嘅食評所以去試下，以前無去過呢座大厦食嘢所以無乜特别祈望。

同另一朋友約了7點我早了5分鐘到，星期日來計算係少人，入到間餐廰覺得有D唔多干淨嘅味，又好似有D煙味，所以感覺已經不太良好，再睇下餐牌價錢係一線日本餐廰嘅價錢，雞泡鱼干要$95，一般中上日本餐廰都係收$60-70呢D價位，魚生，D清酒都都好貴，以呢個場算係意料之外。

明友到後，點了以下:
清酒 (360ml)
芥末八爪魚(小碟前菜)
海溾 (前菜-類似海草物體)
魚生 (牝丹蝦，油甘魚及带子)
炸𧐢 (5隻)
苦瓜炒豬肉

淸酒選了一隻味道較淡，無乜點。

試咗芥末八爪魚一淡，我同明友都覺得唔多新鲜嘅味道，所以同侍應講，之後佢話經理試過無問題，但如果果我吔想的話可以退咗佢，我哋當然話退啦。

海溾我都係第一次食，基本上無乜味，只係食個口感，幾特别。

魚生算新鲜，中上之作！

炸𧐢一般，炸粉比較硬，𧐢內也比較干，唔算好。

苦瓜炒豬肉賣點是冲澠苦瓜，之前在冲澠食過呢度菜，所以有祈望，估計這店用滚水煮完苦瓜再炒，苦瓜煮過時了，所以没有脆口感，很失敗。

埋單$1,150，其實無乜食咗D乜，應該唔會再嚟。