Video
Read full review
2018-03-18
248 views
簡直係比錢買難受嘅服務態度事源我星期日下午茶時段路過諗住食少少野入到去見有好幾張枱吉就求其簡揀個卡位兩個人面對面坐，跟住有個高高瘦瘦上左年紀嘅男侍應以鬧人嘅態度講左句 '呀小姐 繁忙時段坐埋一邊呀'之後我想落單就舉手咩都冇講過 ，個個男侍應路過又話我幾句 '得得得得得 你等等先啦 我咪黎緊囉' 之後又番頭粗聲粗氣咁 '呀小姐 你要呀' 我心諗你唔得閑咪轉頭先黎囉 我又冇講野 催你我朋友見就黎5點，唔知仲有冇下午茶就問下佢啦，點知佢伸隻手出黎指住隻錶講 '呀小姐 依加4 點幾未夠5點 呢度寫2點半至5點 依加過左2點半好耐啦 你話有冇呀'，跟住我朋友叫個魚蛋片頭米粉，佢串串貢咁 '呀小姐 你轉米粉下話' （菜單上寫魚蛋片頭河），我朋友被佢嚇到口都疾埋咁叫埋杯蛋白杏仁露，佢又話杏仁霜呀，我朋友驚唔係同一樣野就講多次啦，佢就話 '得啦得啦 唔洗講啦 我地明啦 知你講咩啦'，老實講我叫到一半已經好嬲好想走，如果唔係我朋友好肚餓，我絕對唔會留低。兩個人坐埋一邊迫迫地咁，我攬住件外套咁食野，件外套隻手袖突左出去走廊少少根本唔會阻到人，佢又走埋黎鬧我 '呀小姐 你件衫突晒出黎 收番埋佢啦' ，
事源我星期日下午茶時段路過諗住食少少野
入到去見有好幾張枱吉就求其簡揀個卡位兩個人面對面坐，跟住有個高高瘦瘦上左年紀嘅男侍應以鬧人嘅態度講左句 '呀小姐 繁忙時段坐埋一邊呀'
之後我想落單就舉手咩都冇講過 ，個個男侍應路過又話我幾句 '得得得得得 你等等先啦 我咪黎緊囉' 之後又番頭粗聲粗氣咁 '呀小姐 你要呀' 我心諗你唔得閑咪轉頭先黎囉 我又冇講野 催你
我朋友見就黎5點，唔知仲有冇下午茶就問下佢啦，點知佢伸隻手出黎指住隻錶講 '呀小姐 依加4 點幾未夠5點 呢度寫2點半至5點 依加過左2點半好耐啦 你話有冇呀'，跟住我朋友叫個魚蛋片頭米粉，佢串串貢咁 '呀小姐 你轉米粉下話' （菜單上寫魚蛋片頭河），我朋友被佢嚇到口都疾埋咁叫埋杯蛋白杏仁露，佢又話杏仁霜呀，我朋友驚唔係同一樣野就講多次啦，佢就話 '得啦得啦 唔洗講啦 我地明啦 知你講咩啦'，老實講我叫到一半已經好嬲好想走，如果唔係我朋友好肚餓，我絕對唔會留低。
兩個人坐埋一邊迫迫地咁，我攬住件外套咁食野，件外套隻手袖突左出去走廊少少根本唔會阻到人，佢又走埋黎鬧我 '呀小姐 你件衫突晒出黎 收番埋佢啦' ，之後又走去格黎枱度鬧人 '呀小姐 你坐埋d得唔得呀'
講真我講野唔該前唔該後，講野客客氣氣，我得罪佢d咩，佢challenge 我，串我，鬧我。成間鋪頭八成都係遊客，佢咁樣趕客嘅服務態度姐係叫街坊同遊客都唔好再幫襯姐。我同我d朋友以後都唔會再幫襯呢間翠華餐廳。
Post