Video
Read full review
2011-03-03
32 views
行到尖東，特別選擇去吃那個招牌燒餅的。甫入店內，冇客！坐低叫咗超級噹噹燒($9x)同豚肉燒拉面($8x)。睇見別人的食評都話佢會sell個二人餐，散叫就會等好耐。都有心理準備‧‧‧等。等呀等‧‧‧等呀等‧‧‧大約十五分鐘之後有另一枱客入坐。我唔知佢地叫咗乜嘢。然後又繼續等呀等‧‧‧等了又等‧‧‧又過十五分鐘，燒拉面終於都燒好。但係奇怪嘅係，遲我廿分鐘入坐再落柯打嘅客碟燒拉面可以同我嗰碟一齊出？？？原因都無須多講了吧！而個拉面本身味道幾好，不油不鹹，問題係微暖不熱，仲有啲室溫感，鐵板燒拉面是不熱的嗎？豬肉是鞋的，略帶酸味，應該係醃料的問題，並不是變壞，總知味道怪怪的！八十幾蚊一個不熱但煮足半個鐘的豚肉拉面唔通係用黑豚肉整嘅？再過多十分鐘，人人讚好嘅燒餅出場。賣相都幾討好，但係只食到燒餅醬嘅味，入面有咩料跟本唔睇餐牌係唔會知。以成百蚊嘅味道未見有咩咁突出。再者，唔知係咪我等足大半個鐘，佢就真係燒足大半個鐘，燒到個底燶咗，一啖咬落係燒焦嘅苦味，令我要折開個底嚟食。又然後，背景音樂突然加大，很有趕客的氣氛。可能係想快啲有枱比之後嚟等同食嘅客，但係食咗個幾鐘都係得三枱二人客。你出菜慢的同時，要客
等呀等‧‧‧等呀等‧‧‧大約十五分鐘之後有另一枱客入坐。我唔知佢地叫咗乜嘢。然後又繼續等呀等‧‧‧等了又等‧‧‧又過十五分鐘，燒拉面終於都燒好。但係奇怪嘅係，遲我廿分鐘入坐再落柯打嘅客碟燒拉面可以同我嗰碟一齊出？？？原因都無須多講了吧！而個拉面本身味道幾好，不油不鹹，問題係微暖不熱，仲有啲室溫感，鐵板燒拉面是不熱的嗎？豬肉是鞋的，略帶酸味，應該係醃料的問題，並不是變壞，總知味道怪怪的！八十幾蚊一個不熱但煮足半個鐘的豚肉拉面唔通係用黑豚肉整嘅？
再過多十分鐘，人人讚好嘅燒餅出場。賣相都幾討好，但係只食到燒餅醬嘅味，入面有咩料跟本唔睇餐牌係唔會知。以成百蚊嘅味道未見有咩咁突出。再者，唔知係咪我等足大半個鐘，佢就真係燒足大半個鐘，燒到個底燶咗，一啖咬落係燒焦嘅苦味，令我要折開個底嚟食。
又然後，背景音樂突然加大，很有趕客的氣氛。可能係想快啲有枱比之後嚟等同食嘅客，但係食咗個幾鐘都係得三枱二人客。你出菜慢的同時，要客人快快口埋單走，你做得很成功~
結論一：食物質素與價錢不相符
結論二：老闆的待客之道不能接受
或者你覺得自己有個招牌燒餅就懷著藝術家的態度，可惜不是我杯茶，做日式燒餅的不只你一家吧！回頭指數係零！
如果你有充足的時間，無限的耐性，大量的金錢，還要不介意廚師老闆唔會即刻煮你點的菜，要等多幾枱客先一齊煮，可以令佢慳啲火嘅‧‧‧是可以一試的！
埋單沒有比一毫子貼士，就是要告訴你：老闆，你的服務很不濟啊！！！
Post