特色雙層芝士牛肉漢堡
食肉獸必選，除咗有兩塊又厚又結實既漢堡扒之外，仲有紫洋蔥、番茄、酸瓜、芝士、生菜，超多層。
雜菌蘑菇芝士漢堡
我好鍾意呢度既麵包好軟熟。雜菌蘑菇炸到好似食緊肉甘，一啲都唔似食緊素食漢堡包。
加41可以跟餐要薯條加汽水，另一個餐我地再加$21要黑松露薯條。
薯條即炸就係好食，黑松露落得好多所以好夠味。
美式炸雞配車打芝士醬
炸雞好食，調味好惹味，外皮卜卜脆，正。
蒜香雞翼
雞翼亦都好食，有蒜味之餘，仲有我鍾意既泰式辣醬。
加$21要黑牛雪糕特飲
同我想像中唔同，原來係一杯超多份量既雲尼拿雪糕，額外俾罐可樂你自己斟。
加$31要曲奇奶昔
好好飲但超級邪惡，入口順滑，唔會好甜，連啲cream都好滑。
