Read full review
2021-01-17
28 views
平時好少會過嚟將軍澳呢頭，今日一場嚟到梗係要搵吓有啲乜嘢好嘢食，見到呢間餐廳門口咁多人排隊，我諗一定唔差所以揀咗食呢間。加上佢星期日都有下午茶餐，真係好吸引！我幾鍾意佢個裝修，有啲書、小語錄同花花嘅裝飾咁，幾適合打咭。講返正題嘅食物先，我鍾意佢啲加配小食細細碟，份量唔多可以試多幾款。但佢主食嘅份量都幾大，男仔食牛肉麵一碗都已經夠曬飽。加配小食8蚊一款，15蚊兩款。我揀咗上湯浸時蔬， 涼拌黑醋茄子同埋滷水豆腐。黑醋茄子酸酸地咁好開胃😋麻辣豬肚好夠麻，但如果可以辣多少少就更加正。不過有大量芫荽搭救，整體嚟講都唔錯。啲牛腩好淋，入口即溶，好味！我個茶餐有蕃茄通粉配肉鬆蛋餅，茶餐嚟講都算好大份。飲品揀咗蜂蜜檸檬蘆薈同仙草凍奶茶，勁大杯！一杯已經夠兩個人飲🙈甜品試埋個紫薯薏米黑糖仙草，好足料，如果唔係咁肚餓，我覺得可以食呢個糖水當一餐。由於第一次幫襯，無諗過大部分食物嘅份量都算大，所以本來想食個下午茶，結果飽到晚餐都應該唔駛食🙈我叫咗咁多嘢都係二百四十蚊咋！唔怪得之門口咁多人排隊啦！下午茶餐真心抵呀😍
今日一場嚟到梗係要搵吓有啲乜嘢好嘢食，
見到呢間餐廳門口咁多人排隊，
我諗一定唔差所以揀咗食呢間。
加上佢星期日都有下午茶餐，
真係好吸引！
我幾鍾意佢個裝修，
有啲書、小語錄同花花嘅裝飾咁，
幾適合打咭。
講返正題嘅食物先，
我鍾意佢啲加配小食細細碟，
份量唔多可以試多幾款。
但佢主食嘅份量都幾大，
男仔食牛肉麵一碗都已經夠曬飽。
加配小食8蚊一款，15蚊兩款。
我揀咗上湯浸時蔬， 涼拌黑醋茄子同埋滷水豆腐。
黑醋茄子酸酸地咁好開胃😋
麻辣豬肚好夠麻，
但如果可以辣多少少就更加正。
不過有大量芫荽搭救，
整體嚟講都唔錯。
啲牛腩好淋，
入口即溶，
好味！
我個茶餐有蕃茄通粉配肉鬆蛋餅，
茶餐嚟講都算好大份。
飲品揀咗蜂蜜檸檬蘆薈同仙草凍奶茶，
勁大杯！
一杯已經夠兩個人飲🙈
甜品試埋個紫薯薏米黑糖仙草，
好足料，
如果唔係咁肚餓，
我覺得可以食呢個糖水當一餐。
由於第一次幫襯，
無諗過大部分食物嘅份量都算大，
所以本來想食個下午茶，
結果飽到晚餐都應該唔駛食🙈
我叫咗咁多嘢都係二百四十蚊咋！
唔怪得之門口咁多人排隊啦！
下午茶餐真心抵呀😍
Post
