和府撈麵

Open Now

Now Closed

晏晝睇完戲，經過樂道見到間和府撈麵門口嘅餐牌有下午茶餐，於是我哋3個人就入去揀咗2個 x $57拌粉麵套餐及$42小餛飩套餐。用手機落單，好快就嚟咗3杯餐飲，1杯係凍椰漿，好香嘅椰子味及2杯熱嘅紅棗花生五紅茶，好香嘅紅棗味，飲落又有茶香味，又唔會太甜。幾分鐘後，又嚟埋個蔥油撈麵及擔擔麵，估唔到下午茶餐嘅份量都唔細，好大碗麵，味道唔錯，另外仲有碗手工小餛飩，都係大大碗，而且都有好多粒雲吞，食完呢個下午茶就已經好飽，晚餐都唔使食。餐廳內環境乾淨，卡位坐4個人都唔覺得逼，職員嘅態度都唔錯，食物質素好，收費合理，又無加一，有機會一定會再去幫襯。