Fifty Fifty (Closed)

今日係長沙灣附近做完野，想搵個地方食下午茶，見到呢間fifty fifty 環境唔錯就入去試下。入到餐廳，用QR code落單叫食物，下午茶餐選擇都算多，有意粉，有沙律，有西多士，有pizza。炸魚薯條 炸魚炸得鬆脆，肉質結實，唔似平價既快餐店貨色，幾好食。薯條係粗條，外表脆而且裏面有薯肉，旁邊仲有蕃茄醬同沙律醬。飲品叫左玫瑰紅茶拿鐵好香玫瑰味，味道唔假，入口好順滑，茶味亦飲得到，係好滿意既一杯rose tea latte。