於太古城內的touch mon kiosk查看附近餐廳
見到一間個名幾特別的日式食肆, 更不是在太古城商場內, 要行出太古城, 轉入住宅區內
一入座點左2個1人餐, 好快就黎左個酸瓜螺肉, 好食開胃!
但開左個胃, 到黎下圖壽司已經等左5分鐘....
帶子同甜蝦都新鮮, 但帶子不夠爽口
再到黎下圖起碼超過20分鐘....2人已餓壞
醬汁味道甜甜地不錯, 但牛柳偏鞋口, 如嫩一點就更好了
本來仲有一碗腐皮烏冬但無影到, 麵質一流, 大家可以一試
呢個係豬軟骨拉麵, 豬軟骨夠淋, 入味, 湯底有黑蒜, 但並無特別
估唔到食完仲有每人一個黑芝麻雪糕!
埋單~$330, 算係一個太古城附近不錯的選擇!
