我好奇走過去看個究竟！ 
原來新開了一間糯米糍專門店 <長洲平記>！ 
好的，一於找天中午來幫襯！
恰巧！店子仍是試業階段，不太多人知道！ 
就算中午前來，排隊約 10分鐘也是合理！
試業營業時間：
10:30am ~ 6:00pm
開業營業時間：
10:00am ~ 8:00pm
簡陋的裝潢，不需要任何心思佈置，其店名在長洲已經出名，自然有食客慕名而來，店內最緊要設備及食材齊全便可！
兩星期之後 7月13日(星期一)，我正想再來買糯米糍，當經過上環德輔道中，見到有好幾架消防車，加上多名警察在街上戒備，場面緊張！
不知哪裡發生火警呢？！ 
只見一條粗如水管的消防喉駁入永和街，心知不妙嘞！走進永和街，有多位記者、警察在場，正是糯米糍店後面舖位店內燒焊引起爆炸！我見到有兩塊玻璃被炸爛！
可能當日是店子新開張，我見門口好多花藍，發生咁嘅事，真係唔多吉利嘞！
發生火警後翌日經過，肇事單位已封了木板！
在兩天後，7月15日(星期三)，糯米糍店重開！
還加了兩座迷你平安包山作裝飾！即時充滿生氣！ 
1
事故後，反而因禍得福！
更多食客知道這間小店，之前中午時段，我花上 10分鐘便買到糯米糍，現時中午時段，十幾廿人排隊，要排足半個鐘！ 
老闆見到我排半個鐘買一個糯米糍咁大把，哈哈！
肯定嫌我買得太少嘞！佢話自從火警後，食客更多！ 
基乎供不應求！
只見店內好幾位女店員馬不停蹄包糯米糍！
我問老闆放工要買芒果糯米糍的話，會否售罄？應否先在中午買定，然後存放公司雪櫃？為確保新鮮及品質，他建議我先在中午付款落定，或者先致電落定，放工才取！他強調把芒果糯米糍雪在雪櫃好幾個鐘會爆皮！
店子供應：
最出名是芒果糯米糍、其次是榴槤糯米糍、還有奇異果糯米糍，各 $12個；
另有迷你平安包 $5、豆沙平安包、蓮蓉平安包、麻蓉平安包、各 $10個，連壽包都有，只需 $8個！
等候期間，店員以抺手紙把每件糯米糍包好，確保衛生及不會黏在一起！絕不馬虎！
第一次幫襯，買了芒果糯米糍及榴槤糯米糍作為午飯後甜品！另一試迷你平安包！
1
2
芒果糯米糍 $12
有別於坊間貨色，這是長身！見到芒果糯米糍是其他糯米糍的 Double size，未嚐先有滿足感！
表面沾上薄薄一層白色的糯米粉，確保糯米糍不會黏在一起！
超柔軟綿綿的糯米糍，要温柔地拿起食！ 
糯米糍柔軟軟糯而微微煙韌，味帶微甜！不會喧賓奪主！大大塊新鮮芒果香甜多汁，十分討好！令人一試愛上！ 
絕對可以滿足芒果迷！ 
3
4
榴槤糯米糍 $12
而榴槤則用上新鮮榴槤肉，口感軟滑而天然的甜美，真材實料！
味道香濃！令人齒頰留香！ 
4
奇異果糯米糍 $12
排半個鐘終於買了個奇異果糯米糍，即買即食！
火警事故後，食品仍保持水準！糯米糍質感依然！
厚切的奇異果，口味清新，
皮薄餡豐，食得一口滿足！ 糯米糍鎖住水份，保留果汁！內裡依然濕潤！ 亦可中和奇異果的獨特的嗆喉感，跟糯米糍都幾夾！相對另外兩款，這款成本較低不太抵食！ 
1
2
迷你平安包 $5
剛剛出爐微温鬆軟，蓮蓉夾雜大約半粒鹹蛋黃，鹹甜交集，內外兼備！
1
3
下次再幫襯的話，我都要想一想什麼時段較少人！
