車記車仔麵 (Closed)

今日午餐想簡簡單單食一餐。今次食車記，呢間我食過好幾次，印象幾好，質素都唔錯。講到明叫車記，一定食車仔麵。配料選擇好多，包你滿意，好多滷水野，例如滷水腩肉、雞腎，加上飲品半價，幾抵食。三餸河粉三餸河粉$32，時菜再加$2，湯底幾清甜入味，菜既份量夠多，而且新鮮爽口。老闆好老實，最驚加左錢都係得幾條菜。滷水蛋幾入味，蛋白已經吸滿滷水精華，幾好食。滷水豬肚都滷得好入味，豬肚咬落去夠爽身，夠脆，普通但滿意既一餐。