Read full review
2018-06-04
1423 views
有朋友知我喜歡食麵包，介紹我觀塘呢家小店「B. Two House」，主打比高包（Bagel），其實，呢間餐廳小弟都有稍稍留意過，只喺一直扚唔起心肝去試啫。今回一支公因事過到嚟觀塘，就順道到訪。餐廳內裡環境嚟算好大，而裝修簡約，木枱木椅，有點點農村風。晌餐廳一角，架上放咗唔少插畫本、書籍、卡Game之類，歡迎自由取用。近廚房一角，又有個小架，喺自助茶水調味品區。雖然自助，但都有店員埋嚟招呼、落單、送上食物，卻無加一服務費，而且，招呼殷勤有禮，甫坐低就送上熱茶。最有趣喺無論晌茶水架、收銀櫃枱旁，都放咗啲糖果，喜歡嘅話儘管拎番粒食吓。咪睇佢店仔細細，所賣嘅產品都唔少，主打就喺比高包，仲有墨西哥卷、牛角包、意大利麵、意大利飯、日式飯品、台式飯品、午餐、飲品……等等，可講喺麻雀雖少，五臟俱全。此外，仲有啲午市二人套餐、下午茶餐供大家選擇。唔止咁，臨尾先發覺，近收銀櫃檯附近有塊大黑板，列出數款特色商務午餐，包晒餐湯、主菜、飲品及甜品。所以話呢，喺咪好多選擇呀！講咗咗耐，又咁多選擇，知唔知自己會食啲乜呢？店主就為咗表達佢哋用料天然、無任何添加，牆上貼上一張「聲明」，等大家知多啲。仲有，更順帶介意埋
餐廳內裡環境嚟算好大，而裝修簡約，木枱木椅，有點點農村風。
晌餐廳一角，架上放咗唔少插畫本、書籍、卡Game之類，歡迎自由取用。
近廚房一角，又有個小架，喺自助茶水調味品區。雖然自助，但都有店員埋嚟招呼、落單、送上食物，卻無加一服務費，而且，招呼殷勤有禮，甫坐低就送上熱茶。
最有趣喺無論晌茶水架、收銀櫃枱旁，都放咗啲糖果，喜歡嘅話儘管拎番粒食吓。
咪睇佢店仔細細，所賣嘅產品都唔少，主打就喺比高包，仲有墨西哥卷、牛角包、意大利麵、意大利飯、日式飯品、台式飯品、午餐、飲品……等等，可講喺麻雀雖少，五臟俱全。
此外，仲有啲午市二人套餐、下午茶餐供大家選擇。
唔止咁，臨尾先發覺，近收銀櫃檯附近有塊大黑板，列出數款特色商務午餐，包晒餐湯、主菜、飲品及甜品。所以話呢，喺咪好多選擇呀！
講咗咗耐，又咁多選擇，知唔知自己會食啲乜呢？店主就為咗表達佢哋用料天然、無任何添加，牆上貼上一張「聲明」，等大家知多啲。仲有，更順帶介意埋佢哋產品嘅特色。
田園沙律比高包製作需少少時間，先嚟個田園沙律，簡單嘅沙律菜拼粟米粒、車厘茄及青瓜，唔特別，但清新，至少啲沙律菜夠新鮮爽脆。
佢哋嘅比高包有成17款，配埋田園沙律，定價$42-$59，可加錢另配忌廉芝士、牛油果，更可轉為套餐A（+$25）或套餐B（+$27），分別在於前者配手作甜品+飲品，後者則配是日西式濃湯+手作甜品。
Bagel King $59一心嚟食比高包，所以，就算午餐喺平少少，都揀一款比高包嚟試，當中以Bagel King、Bagel Queen、Bagel Prince最吸引，因為料多吖嘛，相對哋，價錢就貴多少少。結果，就揀咗以牛肉、火腿、忌廉芝士、蕃茄、青瓜、生菜、辣醬、芝士醬組合而成嘅Bagel King，順口問過店員，如果怕辣可走辣醬。
唔使多講，睇相就知幾咁爆餡，啲牛肉多到呢……墊底仲有蕃茄、青瓜、生菜，反而火腿就唔喺太覺，但整體真喺幾正，牛肉好軟軟腍腍，啲瓜菜好爽脆，醬汁令個包好惹味，而且，有辣勁但唔嗆喉。雙色比高包嘅紅色喺源自紅麴，夠天然，色澤淡紅，個包嘅口感果然煙韌有咬口，唔會有種乾嘅感覺，包嘅上下內面仲搽埋忌廉芝士，真喺幾難唔好食。想食平啲，Tea Set都有個芝士辣牛肉Bagel，可以講喺Bagel King嘅輕盈版。
Bagel King
$59
45 views
0 likes
0 comments
低脂岩鹽咖啡（跟餐）單點要$26杯，轉為套餐都可以揀，超着數，加上本身都鍾意飲咖啡，又喺無理想唔揀囉。面層嘅泡泡刻意打得厚身啲，灑咗少少岩鹽，唔使攪勻就可以飲。咖啡散出陣陣香氣，飲落又滲出少少鹹味，頗有趣。此外，茶杯印埋店名，望落別緻好多。
朱古力蛋糕（跟餐）是日手工甜品就喺佢，一身烏黑嘅朱古力蛋糕，唔太花巧嘅製作，朱古力海綿蛋糕、朱古力慕絲及朱古力漿組成，朱古力嘅味道非常濃郁，中間嘅慕絲都柔滑，面層嘅朱古力亦軟滑，唯挑剔位喺啲海綿蛋糕有點乾，影響整體口感。
臨走時，仲拎咗佢啲單張睇睇，店家仲提供包場服務，搞吓生日會、家庭聚會就啱晒；此外，亦有蛋糕班（不定期），包埋個二人高茶添。
食得多漢堡，試試比高包，都真喺唔錯，況且，配搭上咁多料，確喺好味，總之，加埋牛油果啦！
Post
