我地三個人一共叫左：滑蛋牛肉飯定食、咖哩雞扒飯定食、芝士豚餃子湯拉麵定食（都係想填肚）、三文魚、吞拿魚、魷魚、八爪魚壽司及花竹蝦壽司。
先講下三個定食。我地每人SHARE下大家叫既野食（係有D唔衛生，不過想試下D野既質素），睇下有咩特別。我個個係芝士豚餃子湯拉麵定食，本來想填肚，但係就有意想不到既驚喜。本身個餃子既樣已經好Q，有D似SAKE杯。咬落去，裡面就流左D芝士出黎，好正！D豬肉好有咬口，而且芝士無搶走豬肉本身既味道，做得唔錯，係首選既推介料理。第二個係滑蛋牛肉飯定食，佢地D牛肉本身都好滑，加埋滑蛋汁，就錦上添花，都係一個唔錯既選擇。到咖哩雞扒飯定食。佢地個咖哩好香，唔會好似普通日式咖哩禁，得個甜字！呢個咖哩應該用左唔少香料整。
到幾款刺身壽司。雖然係耐左少少（因為當日都唔少人），不過都不負所望。三文魚夠新鮮，夠魚味；八爪魚甜味十足；魷魚好過癮，因為我係口到趙左好耐，都重禁有味，好好玩；吞拿魚簡直一絕，新鮮、有魚味唔在講，加埋D壽司飯一齊食真係好正！我地都叫左客花竹蝦壽司，我地都重來未食過，食落好鮮甜，好正！！各位一定要試下！！
食完，都覺得呢間日式料理好抵食，真係一絕！
