假期同另一半去港島區漫遊，竟然俾我哋發現咗一間寶藏小店——專賣正宗桂林米粉！店面唔大，但除咗招牌桂林米粉，仲有螺螄粉、湯拉麵可以揀，款式多多。
🍜 招牌鍋燒桂林米粉
材料豐富！最正係外皮脆卜卜嘅炸豬肉，配上蘿蔔乾、酸豆角、黃豆、蔥同芫茜，撈勻秘製鹵水汁，味道層次出晒黎。食到一半再加湯，又係另一番風味，一碗粉兩種食法，超抵！
🦆 鴨掌螺螄粉
湯底螺螄味超濃郁，鴨掌煮到入味非常，一啜就骨肉分離。加上酸豆角、炸腐皮、花生、木耳、蔥同芫茜，酸辣開胃，口感豐富。
🦐 香酥蝦卷
即叫即製，熱辣辣上枱，外皮金黃酥脆，蝦肉彈牙鮮味，點埋沙律醬食，絕對係必點小食！
🥤 套餐＋凍豆漿
跟餐嘅凍豆漿豆味香濃。
