沙田河畔呢附近雖然有啲僻，但真係間間都幾好食咁
又黎呢頭覓食，見咁多好評就試下呢間和氣食堂
好爆呀! 成個夜晚都keep住咁多人
睇黎真係有番啲保證
火焰左口魚邊牛油果沙律
前菜叫咗個沙律，見到有牛油果呢樣野就忍唔住叫咗
左口魚鮮甜，用火灼一灼更係帶出更多魚香味
牛油果香滑不膩，配埋點點黑松露，成個沙律細緻又開胃
芝士軟殼蟹卷
成舊擺入口，凍凍地嘅壽司飯撈埋熱辣辣軟殼蟹
加上芝士同蟹籽沙律醬嘅提味，呢款壽司十粒星值得一叫
呢個刺身盛有三文魚，甜蝦，廣島蠔，油甘魚
厚切三文魚唔多講喇又鮮又甜
甜蝦大大隻蝦頭都爭啲吮埋落肚
廣島蠔一定要擠檸檬唔是的話我會嫌有點腥
油甘魚永遠係食完之後下次又會唔記得油甘魚係咩味道嘅存在
但係是好食的!
白咖哩烏冬配炸雞
到熱食喇~~個樣係奶蓋烏冬咁，好似好勁
上面係層類似忌廉咁嘅野，好creamy，但又無忌廉咁漏
咖哩收埋喺層奶蓋底，我地撈勻黎食，層cream貌似中和咗下咖喱嘅濃味
又令到個烏冬增添香滑，旁邊仲有炸雞，巧食
燒日本廣島蠔
上枱就有兩隻嘅，一隻係芝士燒，一隻係蒜燒
因為睇落太好味忍唔住手啪咗隻落肚先醒起未影隻芝士味
啲芝士響舊蠔上面溶下溶下真係好鬼引人
千迴火鳥
呢個雞翼個名有啲霸氣，唔再係手羽乜乜乜
雖然食落有啲普通，都係雞翼一隻，但個名已經引咗我嗌
火鳥勝利~~
間野高質，唔怪得成晚都爆到咁，好彩早黎都仲有位
食到個肚好和氣真係無交嗌
