Read full review
2021-04-08
10322 views
早前仲禁堂食嘅時候，去左Grand Hyatt Staycation，package包左雙人早、晚餐。見到晚餐可以揀Grand Hyatt Steakhouse，當然毫不猶豫選擇呢間全港數一數二嘅扒房。而今次in-room dining嘅食物質素同體驗喺我數次staycation中係最好嘅🥰🌟前菜：香煎美國馬里蘭州蟹餅配蛋黃醬🦀、自家製煙三文魚配酸豆🐟、凱撒沙律🥗、蒜蓉包🥖先講講蟹餅，呢個係我食過最真材實料嘅蟹餅，啖啖都有新鮮蟹肉，鮮味十足！本身蟹餅係美國東岸招牌菜🇺🇸，聽聞Steakhouse蟹餅嘅蟹肉比例高達九成五🤩而且食得出每日鮮製，蟹肉亦處理得幼細均一，口感唔易散。蒜蓉包亦係Steakhouse嘅名物之一，麵包外面香脆，內裏又鬆軟，充滿蒜蓉牛油香氣🧄🧈即使擺放左一陣（掛住影相🙈），依然軟熟好味！而凱撒沙律份量大，非常足料，有麵包粒、煙肉、鯷魚同Parmesan cheese😋🌟主菜：美國西冷牛扒（配蘑菇汁）🐮、烤春雞🐔眾所週知，in-room dining食扒其實對住客同餐廳都係一個挑戰，但呢度嘅牛扒出乎預期，完勝Four Seasons同Peninsula🙊牛扒有8安士，肉質
🌟前菜：香煎美國馬里蘭州蟹餅配蛋黃醬🦀、自家製煙三文魚配酸豆🐟、凱撒沙律🥗、蒜蓉包🥖
先講講蟹餅，呢個係我食過最真材實料嘅蟹餅，啖啖都有新鮮蟹肉，鮮味十足！本身蟹餅係美國東岸招牌菜🇺🇸，聽聞Steakhouse蟹餅嘅蟹肉比例高達九成五🤩而且食得出每日鮮製，蟹肉亦處理得幼細均一，口感唔易散。
蒜蓉包亦係Steakhouse嘅名物之一，麵包外面香脆，內裏又鬆軟，充滿蒜蓉牛油香氣🧄🧈即使擺放左一陣（掛住影相🙈），依然軟熟好味！
而凱撒沙律份量大，非常足料，有麵包粒、煙肉、鯷魚同Parmesan cheese😋
🌟主菜：美國西冷牛扒（配蘑菇汁）🐮、烤春雞🐔
眾所週知，in-room dining食扒其實對住客同餐廳都係一個挑戰，但呢度嘅牛扒出乎預期，完勝Four Seasons同Peninsula🙊牛扒有8安士，肉質嫩滑又夠厚，medium rare處理得啱啱好，一切就斷🥩雖然配埋蘑菇汁，但因本身牛肉味濃郁，就咁食已經好好味，加左反而有d 喧賓奪主。
我地同時加配鵝肝（+$60），冇諗過會咁大塊🤩質感綿滑，又有油脂香，抵食！
而烤春雞亦都充滿驚喜，冇諗到為左方便食客，Steakhouse 將雞胸換成兩隻雞髀，所以加埋係有四隻🍗 全部都肉嫩皮香，而且用左rosemary同檸檬一齊焗製，令味道清新而不膩🍋
🌟伴菜：薯蓉、長腳西蘭花🥦
其實食完主菜已經飽到上心口🤣不過薯蓉香軟鬆滑，我好邪惡咁將加左d牛扒嘅蘑菇汁落去，果然係絕配😈而長腳西蘭花就用左辣椒🌶️蒜蓉牛油炒，香氣十足
🌟 焗芝士蛋糕🧀🍰
呢個cheesecake其實似日本嘅芝士蛋糕，質感鬆軟，似海綿蛋糕咁，可惜芝士味較淡，相對遜色。不過作為配角嘅蜜餞杏桃反而幾好🍑酸酸甜甜咁令甜品唔太膩，而忌廉亦充滿呍呢嗱嘅香味。
酒店知道今次staycation 係為左慶祝紀念日，好貼心咁送左一支Sparkling wine🥂🍾
美食、美酒再加埋呢個夜景🌃，真心好享受（個人推薦住喺面向尖沙咀嘅房型）
而且所有staff嘅態度非常親切有禮👏🏻送餐前同收餐後更會主動用消毒濕紙巾抹枱，甚至會先除鞋再入房🙈👍
好期待下次喺Steakhouse 堂食！
Post
