磯野水產

Open Now

Now Closed

聖誕節嘅時候約埋一班好友一齊食餐好。今次冇朋友係唔食刺身，所以就相約去《磯野水產》享受最時令嘅海鮮。刺身、磯燒、火鍋、浜燒、煮物都可以一次過試哂。磯野聖誕二人餐 $1788波士頓龍蝦沙律龍蝦已經拆哂肉，加上新鮮沙律菜、蟹籽和牛油果。夠晒新鮮開胃。三品刺身分別有三文魚、赤蝦和油甘魚。我自己就最鍾意三文魚，夠肥美又有魚鮨嘅甜。魚子醬海膽帶子卷橙黃色嘅海膽配搭珍貴嘅黑魚籽和透明嘅帶子，入口即溶極之鮮甜。浜燒原隻澳洲大黑邊鮑魚店員預先會比你睇下未煮嘅鮑魚，竟然係活鮑魚。之後用左浜燒嘅方式處理，食落特別爽口又多汁。鐵板生燒白鱔鐵板燒成嘅白鱔特別之香脆，又唔多骨，真係啖啖肉架。松葉蟹膏蟹肉魚子拌飯滿滿嘅蟹膏配搭雪白嘅蟹肉和滿滿嘅魚籽，飯底仲有飯焦，好邪惡呀。甜品係聖誕節主題嘅雪糕三文治，仲有蠟燭同埋聖誕節圖案，打卡就啱晒啦。