淥鼎記

Open Now

Now Closed

我同男友都好鍾意食酸菜魚同打邊爐，知道呢間餐廳一個價錢就可以有齊兩種享受，仲要加埋一每人兩百蚊唔洗就立即決定要嚟試一試。我哋叫嘅套餐係食完酸菜魚之後可以自選湯底打邊爐的，火鍋料仲要任食添先講個酸菜魚，賣相都唔錯，份量都足夠，味道略嫌偏淡，唔夠酸辣，魚片都夠滑，不過有少許骨，上桌時侍應都有提醒可能會有骨打邊爐湯底有幾個選擇，我哋揀左美人鍋，上桌時湯底𥚃有兩條貌似花膠嘅東西，湯是奶白色的幾甜。未上任食自選火鍋料之前，餐廳會上一份海鮮，有蝦、生蠔同埋沙白，呢份海鮮係無得添食的，沙白好正，蝦就一般，生蠔就有D腥。其他火鍋配料我個人覺得黑豚肉有驚喜，急凍韓國生蠔唔錯，芥末貢丸就幾新奇，魚頭新鮮必食，餃子種類選擇都多最好食係水餃。菜類同醬料選擇就比較少，對呢方面有要求就可能會失望。最後會送個凍紅棗雪梨糖水都幾潤，食完熱氣野啱晒。環境方面，有好多卡位，枱與枱距離都闊，唔會太嘈，感覺乾淨，侍應態度不錯，不過都有好多放題通病就係漏單情況。每人二百蚊有找，我覺得CP值非常高推介。