泰麵膳 (Closed)

我自己本人好鐘意食船河，我like 重口味。夠gus喺香港開間舖專賣船粉，我諗點都有啲料卦。第一次幫襯，叫左牛丸船粉，酸辣鳳爪，凍泰式奶茶。奶茶最先上枱，一啖飲落去，咁淡嘅，原來未落糖，枱面有糖槳，自己加。但加來加去都飲唔返平時泰式奶茶果隻味，怪怪的。好喇，到碗牛丸粉上枱，第一時間梗係試個湯底啦，又係偏淡，完全做唔到一般船粉湯底果隻味，又算，夾粒牛丸試下，ok la,冇咩問題，跟住夾起著金邊粉，咦，一pat 野咁嘅，鼓起勇氣擺落口，漿糊咁，好明顯啲粉overcook，食晒啲牛丸就算，放棄。至於個酸辣鳳爪，正常嘅，但食食下發現有隻蚊滋原來都一齊食緊😪一次就夠。