一緒一番酒場

Open Now

Now Closed

今日小妹下晝放假, 於是就約左朋友去中環行街食好西😋 朋友話上網見到一緒一番好似幾正咁, 所以想試下! 餐廳四面都係吧枱嚟, 中間可以望住廚師煮野食, 感覺不錯! 我地叫左兩個lunch set share食, 每個set都會跟一個前菜, 麵豉湯, 茶碗蒸同煮物, 是日前菜係沙律配芝麻醬而煮物就係薯仔牛舌🌟特盛雜錦魚生飯魚生飯足料足量, 上面擺左多款刺身, 有海膽, 帆立貝, 吞拿魚, 蝦等等……件件都十分厚切, 味道鮮甜新鮮, 醋飯味道剛好, 口感亦幾煙韌🌟一緒浦燒鰻魚飯鰻魚大大件, 燒得好香, 入口軟嫩多汁, 肉質夠哂厚實, 鰻魚燒汁份量幾多, 甜甜地餸飯一流, 食到大半都唔怕無哂汁!