入到去，最難忘係個店員服務好好，會同我介紹番d食物，最後簡左人氣之選既貝汁鹽味拉麵+一份餃子。
個拉麵湯底一流，濃而不膩，有蜆同魚既鮮甜 ，配合豬骨既香味，3種味混合埋無搶味之餘仲非常合襯，加上少少既牛肝菌醬，令整體味道更有層次。
而肉方面，2塊不同既肉各有特色，三層肉同埋慢煮叉燒口感上都係截然不同，三層肉偏鬆軟，叉燒偏味濃，係唔錯既配搭。
麵身偏幼，我個人不太喜歡，但掛湯能力一流 ，可以混合美味既湯底。
餃子煎得不錯，但味道唔算特別。
整體黎講服務同環境都幾好，而拉麵既湯底係美味，但價錢方面偏貴，如果喜歡鮮甜味湯底既朋友可以試試。
