但一入座即坐滿客人 真係有夠誇張😨
坐到差不多走時先有機會影到環境打到個卡
我地叫左佢地既招牌菜 #德國脆皮豬手
(記得一開始就要叫左豬手先呀 因為制作需時25分鐘架)
佢地既鹹豬手居然3個味道 制作真係有夠認真🫣
分別係:
▪️柚子蜜啤酒浸脆皮德國鹹豬手
▪️麥啤浸香蒜黑椒德脆皮德國鹹豬手
▪️麥啤浸泰式酸辣脆皮德國鹹豬手
我地就叫左期間限定既:
▪️黃金炸蒜發財豬手 $178
其實我本身好少食豬手
因為我好怕D鹹豬手好硬 個皮又韌😆😅
但呢到做到個皮脆得黎一D都唔硬
而豬手好入味之餘一D都唔柴👍🏻
最重要既係 佢唔會過鹹👍🏻
坊間既德國鹹豬手都係偏鹹
但呢到不論係口感 味道都做得剛剛好👍🏻
$178呢個價錢 咁既質素
真係絕對對得住街坊街里🥺
▪️香煎露筍鵝肝牛肝菌燉飯 $148
首先佢個鵝肝都幾大件😳
而且煎到外脆內嫩 油香感十足🙌🏻
佢個飯都唔細😂
而牛肝菌香氣直接滲透入飯入面
而且口感唔會過硬或過淋 做到恰到好處😌
因為第2日要返工既關係
都係飲返D non alcoholic drinks 保持頭腦清醒先😂
叫左2杯特飲
▪️菠蘿雪梨四季春茶
▪️紅石榴鮮橙梳打
聽到個味以為都幾甜 但又唔係wo
啱晒我地呢D中女 又可以解膩😂
